Веќе неколку децении, оваа мистериозна дупка предизвикува страв!
Локалното население во Јемен со децении ја избегнувале ужасната и огромна дупка, именувана како „пеколен бунар“.
Суеверието се пренесува од генерација на генерација дека овој необичен природен феномен ја претставува „портата на пеколот“ и дека демоните се затворени во овој прогонуван бунар.
Поради неподносливата смрдеа што се шири од дупката, сите го избегнале „пеколниот бунар“, а мистеријата станала се поголема и поголема.
Инаку, дупката, која е длабока 112 метри и широка 30 метри, се наоѓа во провинцијата ал-Махра во близина на границата со Оман.
Досега никој не успеал да дојде до дното на чудната дупка. Но, тоа исто така се смени неодамна кога група од 10 омански спелеолози и истражувачи за прв пат детално го истражувале „пеколниот бунар“.
Сите се прашуваа што ќе најдат внатре и дали воопшто ќе можат да излезат живи.
Она што го најдоа истражувачите веројатно ќе разочара многумина – очекувано, беа пронајдени бројни остатоци од животни кои паднале во „бунарот“, а тоа беше изворот на неподносливата смрдеа.
Исто така, тимот наишол на змии, неколку подземни водопади и сталагмити.
Меѓутоа, ни трага од заробените демони… не се пронајдени во ова пеколно ужасно место.
Погледнете го видеото:
