Сега навистина можете да спиете како кралеви во Версајската палата во Париз, која го отвори својот прв хотел минатата година.
За прв пат во својата 388-годишна историја, овој историски комплекс е отворен за посетители.
Познат како Le Grand Controle, хотелот има 14 соби и апартмани и еден посебен апартман (со потпис) дизајниран од архитектот Кристоф Толемер. Внатрешноста очекувано е инспирирана од препознатливиот сјај на Марија Антоанета и Луј XIV од крајот на 18 век.
Гостите ќе имаат целосен пристап до она што Французите го нарекуваат Шато де Версај и околните области, вклучувајќи ги и локациите кои обично се затворени за посетители.
Кога станува збор за кујната, и овде не изостана кралскиот третман. Посетителите можат да уживаат во вечерата подготвена од францускиот готвач Ален Дукасе, кој секако има Мишелин ѕвезда. Потоа сериозно да се опуштите во бањата и да се капете во затворениот базен.
Но, исто така сосема очекувано, ова задоволство не е евтино.
За да го доживеете ова обележје од национално значење, ќе треба да потрошите околу 2.000 долари за ноќ. Цената вклучува личен батлер, како и приватни обиколки на палатата и нејзините градини.
