Кога се осмелувате да сонувате за нешто, патот што ве води кон исполнување на вашите соништа никогаш не е лесен…
Во секој случај, не е исполнет со вино, сирење и сликовити, шармантни италијански градови што би ги посакале како ваш дом. Ако дел од вашите соништа се нова авантура и нов живот далеку од хаосот, еве ја вистинската можност за вас. Калабрија, лоцирана во јужниот дел на Италија, нуди до 33.000 долари на сите луѓе кои се подготвени да се преселат во своите рурални села, со цел да се врати опаѓањето на популацијата во овој регион. Селата се прилично ненаселени и вашата промена на адреса, доколку сте подготвени за ваков предизвик, ќе биде придружена со месечен приход од локалните власти. Се разбира, за да станете добар кандидат, мора или да започнете сопствен бизнис или да се вработите во некоја од локалните продавници или работилници.
Џанпјетро Копола, градоначалник на еден од градовите кои се дел од оваа понуда, изјави: „Ние сакаме ова да биде експеримент за социјална инклузија, што ќе ги привлече луѓето да живеат во овој регион, да уживаат во нејзината убавина и да ги разубавуваат неискористените градски локации, како што се конференциски сали и манастири. „Туризмот што е недоволно развиен и куќите што се продаваат за едно евро не се најдобриот начин за трансформација и заживување на југот на Италија“. Некои од правилата доаѓаат со овој пријатен живот исполнет со морски воздух, планински погледи и зелена околина. Секој што сака да се пријави мора да биде на возраст под 40 години и мора да биде подготвен да се пресели во рок од најмногу деведесет дена по прифаќањето на нивната апликација.
Луѓето кои ќе аплицираат ќе добиваат од 950 до 1.200 долари месечно за две или три години или еднократна стипендија за да им помогне да започнат свој нов бизнис или активност, вклучувајќи мотел, ресторан, бар, фарма или продавница. Досега се предвидени повеќе од 832 000 долари за употреба во оваа шема. Ако сте подготвени целосно да го свртите животот, еве ја вистинската можност за вас.
