Кулата Амбулувава е популарна туристичка атракција во предградијата на Гампола во Шри Ланка. Сместена на истоимениот планински врв кој се издига до 1.087 метри и кој нуди спектакуларен и непречен поглед на околината од 360 степени.
За популарноста на оваа кула придонесе погледот на магичната природа, но и самата градба на кулата висока 48 метри до чиј врв може да се стигне со качување на тесни спирални скали од надворешната страна на објектот. Колку повисоко се качувате, толку скалите стануваат потесни и потесни. Затоа не се препорачува за оние кои се плашат од височина.
И не, нема да добиете заштитно јаже за качување. Оние кои успеале во Амбулавава тврдат дека тоа не е ни потребно. Конструкцијата е стабилна, проблем можат да ви направат само групи туристи кои ќе ви „дишат зад врат“ во желбата што побрзо да стигнете до врвот и да направите совршена фотографија за социјалните мрежи.
Ако сакате да уживате во мир и тишина без премногу гужви и врева, треба кулата рано наутро да ја искачите кога има најмалку посетители. Кулата е отворена секој ден од 8.30 до 18 часот, а цената на билетот е околу 80 денари.
Амбулувава е изграден како комплекс за биодиверзитет кој е дом на многу растителни видови. Овде ќе најдете и мулти-религиозен центар со будистички и хинду храм, црква и џамија каде следбениците од сите вери практикувани во Шри Ланка доаѓаат да се молат.
