Храна, вино, архитектура, уметност, урбанизам, дизајн, начин на живот … сите ние уживаме во Италија. И, додека чекаме поповолни времиња, ние сме инспирирани од стари (туѓи) фотографии на одмори обоени од сонце и прекрасни дестинации.
Една таква е брегот на Амалфи, кој привлекува илјадници туристи секоја година, вклучувајќи познати личности (од Џеки Кенеди, Пирс Броснан, Бредли Купер, Карли Клос, Вил Смит и Бијонсе, меѓу другите). Ова не изненадува, бидејќи брегот на Амалфи со стрмните падини и куќите во пастелна боја е на списокот на светско наследство на УНЕСКО од 1997 година.
Старите шеталишта кои поврзуваат места или патишта кои се извиваат низ пејзажот се одличен начин за истражување, а многу познати гости доаѓаат и на приватни јахти.
Амалфи, Равело и Позитано се најзвучните места на тој дел од крајбрежјето, нудејќи им на посетителите еден допир на кинематографски гламур (тука се снимени многу филмови) додека пијат лимончело направено од локални лимони и уживаат во италијански специјалитети.
Покрај сеќавањата и фотографиите, тие можат да земат и разнобојна керамика од Виетри.
Додека се тешиме со фотографиите, си ги замислуваме сопствените романтични филмски сцени и го ставаме брегот на Амалфи на врвот на нашата листа на идни патувања.
