Токму на тоа место, 15 септември 1954 година, Мерилин Монро застанала во бел фустан додека го снимала „Седум години верност“.
Најпознатата метро мрежа во светот се наоѓа на југо-запад на раскрсницата од авенијата Лексингтон и 52-та улица во Њујорк.
Под него поминува метрото на линијата број 6, што предизвика кревање на фустанот и создавање на една од најпопуларните сцени во историјата на американската кинематографија.
Оваа сцена немаше да биде толку легендарна доколку местото и времето на снимањето не биле пријавени во медиумите од 20th Century Fox. Се проценува дека помеѓу 3.000 и 5.000 луѓе се собрале на улица и сакале да ја видат Мерилин Монро во живо.
На Авенијата Лексингтон имало толку бучава што режисерот Били Вајлдер не можел да го користи снимениот материјал за филмот. Сцената се повтори на холивудскиот сет, а фотографиите направени пред медиумите станаа моќно оружје за промоција на филмот, но и главна сцена за постерот на филмот.
Меѓу заинтересираните набљудувачи е и нејзиниот тогашен сопруг Џо Димаџо, кој не ја сакаше егзибиционистичката сцена. Двојката наводно се скарала истата вечер, а неколку недели подоцна, Мерилин поднела барање за развод.
Од тогаш Њујорк многу се смени, но решетката од метрото е на истото место, а најголемите обожаватели на Мерилин Монро се сликаат и позираат на социјалните мрежи.
