Една од жртвите на масовниот туризам е најпознатото дрво во Нов Зеланд. Врбата која извира од езерото Ванака и создава речиси нереална глетка е популарно место меѓу посетителите, кои доаѓаат таму за да направат фотографии за паметење. Но, непознат сторител отсекол гранка која мештаните ја виделе како плива покрај брегот. Дрвото Ванака е популарно од 2014 година, кога во прекрасен кадар ја доловил фотографот Денис Радермахер и ја доби наградата за најдобра пејсажна слика.
Оттогаш, врбата стана популарна на социјалните мрежи, а посетителите доаѓаат да ја видат во националниот парк Маунт Аспиринг и покрај фактот што нема патокази што водат до дрвото и тешко е да се најде.
Токму поради вандалите кои ја уништуваат прекрасната природа, владата на Нов Зеланд одлучи туристите да дадат „тиаки завет“ при посетата на нивната земја. „Тиаки“ на маорски значи „да се чува“, а Маорите ја сметаат природата неразделна од нивните животи. За нив секоја планина, река и дрво има своја приказна. Овие приказни се дел од нивните сопствени идентитети и помагаат да се обликува нивното место во светот.
За да им олеснат на туристите да одлучат како да ја остават природата во истата состојба во која ја нашле, односно да не и наштетат, можат да најдат информации на веб-страницата посветена на зачувување на природата во Нов Зеланд.
