Aura Skypool највисокиот бесконечен базен во светот со поглед од 360 степени. Станува збор за базен кој се наоѓа на 50-тиот кат на Palm Tower на островот Palm Jumeirah во Дубаи, Обединетите Арапски Емирати.
Бесконечниот базен се простира на 775 метри квадратни и се наоѓа на височина од околу 200 метри над земјата.
Од базенот се гледа непречен поглед на прекрасната панорама на овој град со неверојатни рекорди, вклучувајќи го и највисокиот облакодер во светот – Бурџ Калифа.
До базенот има и луксузно опремен дневен простор со лежалки по нарачка. Овде се служат јадења инспирирани од азиската кујна – од салата од патки и ребра со малезиски зачини до лесна и кремаста торта со мус од мача.
