Кањон, топли извори, пештери, гејзери и просторот за капење се само некои од атракциите во мексиканскиот Грутас Толантонг…
Ако на списокот на земји што сакате да ги посетите е вклучен Мексико, покрај главниот град, можете да го посетите и Грутас Толантонго, што е оддалечено околу три часа возење од Мексико Сити. Кањон, топли извори, пештери, гејзери и простор за капење се само некои од атракциите што ќе ве пречекаат овде.
Иако многу туристи одат таму да се капат во еден од природните извори на вода, ова место им нуди на посетителите многу повеќе. Постојат многу активности на располагање како што се трекинг, пливање во базени, одење по висечкиот мост, посета на водопадот или пливање во термалната река.
Реката што тече низ кањонот се нарекува иста како кањонот – Толантонго. Со своите 20 Целзиусови степени е пријатно топло, а покрај реката како најголема атракција на паркот се наоѓаат две пештери и базени со топла изворска вода од кои има поглед кон кањонот.
Во срцето на кањонот се наоѓа туристичко одморалиште кое се состои од три хотели, а негова главна атракција се две пештери на затворениот крај на кањонот од кој тече мала, вулкански загреана река.
За сите оние кои сакаат да поминат неколку дена тука, покрај хотелот, има и камп каде што можете да престојувате во срцето на природата. Не грижете се за опремата бидејќи за разлика од многу места за кампување, тука можете да изнајмите шатор за две лица за само 120 мексикански пезоси (300 денари).
Ако одлучите да патувате, не заборавајте на готовина со вас, во спротивно ќе бидете гладни и жедни – единственото средство за плаќање во целиот парк е готовина.
Секако, уживањето во таа убавина има цена. За влез ќе платите 150 мексикански пезоси за базен, што е околу 350 денари. Цената е сè уште поевтина од повеќето бањи во Македонија. На таа влезница додадете ја цената на автобускиот билет од Молангита, кој се наоѓа на 8 километри од паркот, и кој е своевидна почетна точка кон паркот. Цената на автобускиот билет е околу 50 денари.
