Неверојатен еколошки ресорт наречен „Пустински Камен“ (Desert Rock) се гради на западниот брег на Саудиска Арабија според идејата на американската архитектонска фирма Oppenheim Architecture…
Desert Rock вклучува изградба на одморалиште во планинско-пустинскиот дел каде некогаш живееле арапските номадски племиња на Набатејците. Внатрешните и надворешните простори на ова одморалиште ќе бидат изградени внатре во карпести пукнатини и пештери, но и на засенчени падини.
„Зградите ќе изгледаат како да исчезнуваат во пејзажот“, откри портпаролот на Oppenheim Architecture. Имено, сместувачките единици ќе се спојат со топографијата, а нивната главна цел е да ја заштитат животната средина и да им овозможат на гостите да се поврзат со природата и локалната култура.
Одморалиштето ќе има 48 луксузни вили и 12 хотелски соби во планините до кои ќе се стигне преку скриена долина меѓу карпите. Гостите исто така ќе имаат пристап до најсовремениот спа и фитнес центар, ресторани на затскриени места и слични удобности.
Red Sea Development, кој разви еден од најамбициозните регенеративни туристички проекти во Црвеното Море – проектот The Red Sea, е задолжен за изградба на одморалиштето Desert Rock, кое ќе се простира на околу 31.000 метри квадратни.
Погледнете како ќе изгледаат сместувачките единици на Desert Rock во нашата галерија со фотографии.
