Салата која ги отвора сите сетила, а е едноставна за подготовка, содржи 780 калории, а нутритивните факти ср следниве: 76 грама се јаглени хидрати, 28 грама се протеини, а 47 грама масти.
Одличен предлог за ручек, или пак вечера, затоа што е:
– производите можете да ги најдете во кој било маркет, а сигурни сме дека веќе ги имате и дома
– едноставна за подготовка
– богата со протеини и масти
– погодна за оние кои внимаваат на својата исхрана
– погодна за оние кои вежбаат, или пак тренираат некој спорт
Состојките потребни за оваа салата се:
1. печени леблебии – 60 грама
2. соја сос – 1 супена лажица
3. масло од сусам – 1 супена лажица
4. кељ – 60 грама
5. црвена зелка – 40 грама
6. црвен грејпфрут – половина
7. авокадо – половина
8. сусам – 1 супена лажица
9. кокосови снегулки – 2 супени лажици
10. брокула – три цветчиња со средна големина
11. коријандер – 2 супени лажици
12. маслиново масло – 1 супена лажица
13. бибер
Подготовката е, исто така, едноставна:
1. Печете ги, претходно поставените леблебии и кокосови снегулки врз хартија за печење во тава, заедно со соја сосот, маслото од сусам и биберот, 20 минути на температура од 180 степени.
2. Ставетето го кељот во голем сад и напрскајте го маслиновото масло. Додадете и малку сол. Убаво промешајте.
3. Додадете ги брокулите, зелката и коријандерот. Повторно промешајте.
4. Додадете ги авокадото и црвениот грејпфрут.
5. На крај, додадете ги крцкавите леблебии и кососови снегулки, како и сусамот.
Уживајте ја салата во друштво на вашите најблиски, или пак со вашата омилена серија на Нетфликс.
Запомнете, јадете вкусно, здраво и балансирано!
