За сите што уживаат во слатки и десерти, а сепак гледаат што јадат и колку калории внесуваат, ова е совршен десерт.
Овие ладни коцки се прават многу едноставно, а целото семејство сигурно ќе ужива во нивниот вкус. На крајот на краиштата, тие се одлични затоа што имаат само 100 калории, така што можете да ги јадете без грижа на совест дури и ако внимавате на вашата тежина!
Состојки:
- 500 гр сирење со малку маснотии (или кремсир)
- екстракт од ванила
- 500 мл протеинско млеко од ванила
- засладувач
- 75 гр лешници
- 30 гр желатин
- 100 мл вода
- кокосово масло
- 350 гр цреши
Подготовка:
Измешајте го сирењето, екстрактот од ванила, протеинското млеко од ванила, засладувач по вкус (онолку колку што сакате да е слатко) и мелените лешници. Додајте го желатинот во вода и почекајте 15 минути за да набабри. Подмачкајте ја тавата со маслото од кокос, а потоа додадете ги црешите и растопете го набабрениот желатин, на тивок оган. Додадете малку протеинско млеко, измешајте го желатинот со претходната смеса, а потоа истурете ја смесата над црешите. Замрзнете околу 90 минути и исечете ги на коцки.
Додадете малку цимет над црешите и уживајте во десерт кој има само 100 калории!
За додатни видео инструкции, погледнете го видеото:
