Вториот десерт, кој морам да го подготвувам барем еднаш неделно (на барање од домашните) е чизкејкот. Топло го препорачувам на сите оние кои се обидуваат да ги намалат килограмите не користејќи бел шеќер, или пак оние кои треба да внимаваат на внесот на шеќер од здравствени причини.
Нутритивна вредност:
- 570 Калории
- 51 грама Масти
- 15 грама Јаглени хидрати
- 17 грама Протеини
Можат да се послужат: 10 парчиња
Па, сега е време да почнеме со подготовка.
Состојките што ви се потребни за овој рецепт се следниве:
- Исечкани бадеми: 128 грама
- Стевиа: 2 СЛ (супена лажица)
- Мелен цимет: ¼ ЧЛ (чајна лажичка)
- Путер: 2.5 СЛ
- Крем-сир: 450 грама
- Јајца: 2
- Ванила: 1 СЛ
- Павлака: 225 грама
Подготовката е едноставна:
- Загрејте ја рерната на 150 степени
- Во блендер ставете ги бадемите, стевиата и циметот.
- За да го направите тестото за чизкејкот, во сад со средна големина ставете го стопениот путер и додадете го миксот со бадемите.
- Ставете го тестото во тава за печење, и тргнете го настрана.
- Во голем сад добро изматете го крем-сирот, и тоа сѐ додека не стане пенест.
- Потоа, додадете ја стевиата и двете јајца. Добро измешајте.
- Откако ќе добиете кохерентна смеса, додадете ја ванилата и павлаката. Мешајте сѐ додека не добиете еднолична смеса.
- Истурете го овој микс врз тестото за чизкејк.
- Печето околу еден час. Во зависност од рерната, можно е да се потребни и дополнителни 30 минути печење.
- Исклучете ја рерната, а вратичката од истата оставете ја отворена. Оставете го чизкејкот уште еден час.
- Прекријте го чизкејкот со пластична фолија и оставете го да се излади во фрижидер следните 24 часа.
- Служете го ладен, на собна температура.
