Кога пациентите со коронавирус губат мирис, тоа се случува одеднаш и обично е сериозно. Во тој случај, тие обично немаат проблеми со затнат нос, луѓето кои страдаат од коронавирус обично можат да дишат слободно. Она што ги раздвојува ваквите пациенти е вистинското губење на вкусот.
Не е дека нивното чувство за вкус е ослабено на некој начин затоа што немаат чувство за мирис, објавија истражувачите во списанието Ринологија. Пациентите со коронавирус кои го изгубиле вкусот навистина не можат да ја кажат разликата помеѓу горчливото и слаткото. Експертите се сомневаат дека тоа е затоа што вирусот ги напаѓа нервните клетки директно вклучени во сетилата на мирис и вкус.
Главните симптоми на коронавирус се висока температура, нова, постојана кашлица и губење на чувството за мирис и вкус. Секој што ги има овие симптоми треба да се изолира и да тестира за да види дали го има вирусот. Членовите на истото домаќинство исто така треба да се изолираат за да спречат ширење на вирусот.
Главниот истражувач на студијата, професор Карл Филпот од Универзитетот во Источна Англија, спроведе тестови за мирис и вкус на 30 волонтери, 10 со „Ковид-19“, 10 со тешка настинка и 10 здрави лица без настинка и грип. Губење на мирис кај пациенти со Ковид-19 било значително поизразено. Тие беа помалку способни да идентификуваат мириси и воопшто не беа во можност да разликуваат горчливост од слатки вкусови.
“Навистина се чини дека има интересна карактеристика што го одделува коронавирусот од другите респираторни вируси. Ова е многу возбудливо затоа што тоа значи дека тестовите за мирис и вкус би можеле да се користат за да се направи разлика помеѓу пациентите Ковид-19 и луѓето кои имаат редовно настинка или грип”, додаде професорот Филпот.
Тој изјави дека луѓето можат да направат свој тест за мирис и вкус дома користејќи производи како кафе, лук, портокали или лимони и шеќер.
Исто така, истакнал дека дијагностичките тестови на брисеви од грлото и носот сè уште се неопходни доколку некој смета дека страда од коронавирус. Тој додаде дека сетилата за мирис и вкус се враќаат за неколку недели кај повеќето луѓе кои се опоравуваат од коронавирусот.
