Се разбира, наводнување на растенијата и оптималното ниво на светлина се некои од најважните фактори кои ги одржуваат во живот, но ако сакате да достигнете повисоко ниво, време е да станете уште понежни и интимни со своите растенија.
Колку и бизарно да звучи, постојат одредени верувања дека музиката може да помогне на растенијата во нивниот раст. И не, ова не е статија каде ќе откриете дека растенијата имаат уши, но тие чувствуваат вибрации. Иако не е научно докажано, теоријата е дека растенијата реагираат на одредени стимули од нивното опкружување, а идејата започна да се развива уште во 1970-тите години кога се објавува „Тајниот живот на растенијата“, опишувајќи ја фасцинантната интеракција помеѓу човекот и растенијата. Застапниците на оваа теорија се сигурни дека растенијата се чувствуваат многу повеќе отколку што мислиме, само дека науката сè уште не дала конечна потврда. Дури и ако сте скептични во врска со оваа теорија, не може да боли ако вашите растенија слушаат неколку песни со вас. Подолу ви ги донесуваме предлозите што ги препорачуваат поборниците на оваа теорија. Исто така, ако на секое растение му дадете име, поголема е веројатноста дека подобро ќе се грижите за нив.
