Иако секој знае дека цигарите се штетни за вашето здравје, кога ќе одлучите да се откажете од пушењето, тоа нема да биде лесно.
Кон крајот на својот живот, на филозофот Жан Пол Сартр му било кажано дека ако не се откаже од цигарите, ќе мора да помине низ неколку операции на ампутација. Тој им одговори на лекарите дека мора да размислува добро, и кога го прашаа кои се најважните работи во неговиот живот, тој одговори: “Сè. Живеење. Пушење”.
За сите што сте решиле да се откажете од пушењето, ова е она што можете да го очекувате:
Неколку часа по оваа одлука, никотинот ќе почне да ја напушта крвта и хаотично ќе ви фалат цигарите. Ова ќе се случи во првите осум часа по последната цигара.
Еден ден по прекинот
Ова е врв на непријатност и стрес. По 24 часа, симптомите на кризата се на највисоко ниво. Можно е да се потите и да излачувате никотин преку пот.
Два до три дена по прекинот
Ако досега не сте запалиле цигара, веројатно нема никотин во вашето тело. Чувството на вкус и мирис ќе почнат да се опоравуваат, така што вашата храна може да биде пофина во овој период.
Една недела по прекинот
Добри вести – најлошото помина! Многу пушачи веројатно ќе почнат да кашлаат бидејќи белите дробови ќе почнат да се расчистуваат.
Две недели по прекинот
Циркулацијата станува подобра, исто како што имаат непушачите. Забите и непцата се обновуваат.
Еден месец од последната цигара
Досега сите симптоми на криза, како што се гнев, непријатност, несоница и лесна депресија, треба да престанат.
По два месеци
Ризикот од срцев удар се намалува, а функцијата на белите дробови се подобрува.
Трет месец
Ако планирате да одите во теретана, ова е вистинскиот момент, бидејќи три месеци по последната цигара, ќе ви биде многу полесно да вежбате.
Половина година од последната цигара
Меурчињата на белите дробови се обновуваат од лошите ефекти на пушењето, но вашите бели дробови никогаш нема да бидат како оние на непушачите.
Една година покасно без цигара
Поранешните пушачи имаат 50 проценти помали шанси да доживеат срцев удар, срцеви заболувања …
По пет години, ризикот од дијабетес е ист како кај непушачите, а десет години после последната цигара, ризикот од смрт предизвикан од рак на белите дробови е за половина помал отколку кај пушачите.
