Ако карантинот докажа нешто – тоа е да знаете да бидете креативни во кујната. Во текот на изминатите 12 месеци, сите ние испробавме кулинарски креации, како што се леб од банана, далгон кафе, далгон еспресо мартини и други вирални задоволства.
Креативците на TikTok и Instagram не се откажуваат и претставуваат друг тренд – тоник за кафе. Како што сугерира името, пијалокот содржи кафе и тоник. На Инстаграм, хаштагот #coffeetonic порасна од 2k на 8k за една недела, а на TikTok, хаштагот #toniccoffee има 6k прегледи, се зголемува секој ден поради промена на сезоната и времето.
Што е coffee tonic?
Невообичаената мешавина е направена од кафе и тоник, но навидум е толку разноврсна што може да додадете што сакате во неа, како портокали или цимет. Според експертите, кининот во тоникот ја надополнува киселоста на кафето, создавајќи финиш полн со меури – и бидејќи тоникот има своја нота на сладост, не е потребен дополнителен шеќер.
Па, како да направите тоник кафе дома?
Што ви е потребно:
Тоник од 170мл
60 мл разладено јако кафе како еспресо
Ледени коцки
Начин на подготовка:
Прво, истурете го тоникот во чаша и додадете коцки мраз на врвот. Потоа полека истурете го кафето над мразот и тоникот. Ако го направите тоа внимателно, тоникот ќе се соедини (слее) со кафето, создавајќи визуелно впечатлив слој.
Во овој пијалок, по желба, можете да додадете:
сок од лимета
сок од грејпфрут
3 лажици свежо исцеден сок од портокал
Лажичка цимет
Лажичка мед
Лажичка јаворов сируп
30 мл џин
30мл виски
Експертите кои веќе го испробале овој рецепт ве советуваат да користите голема чаша: доволно голема за да ја наполните на половина со тоник пред да ги поставите коцките мраз. Тие исто така нагласуваат дека редот е важен. Избегнувајте додавање кафе во тоникот. Ова ќе создаде текстура што ќе резултира со повеќе пена од пијалокот. Никогаш не додавајте прво кафе бидејќи ќе го стопи мразот и повторно ќе создаде многу пена.
Уживајте во вкусниот освежителен пијалок!
