Светскиот ден на здравјето се слави на 7 април, а оваа година СЗО објави листа на цели кон кои треба да се стремиме секој. Еве за што се работи.
Пандемијата, загадувањето на планетата, зголемениот број на заболени од рак, астма и срцеви заболувања е сликата со која се соочуваме овој 7 април. Затоа, Светската здравствена организација целото свое внимание ќе го насочи кон преземање итни чекори за одржување на здравјето на човештвото и планетата. Според оваа организација, целта е една: да се создадат општества кои ќе бидат насочени кон општата благосостојба.
Светски ден на здравјето
Се проценува дека над 13 милиони луѓе годишно умираат поради еколошки причини, кои лесно можеле да се избегнат. Ова ги вклучува климатските промени, кои претставуваат најголема закана за човештвото. Според СЗО, климатската криза е и здравствена криза.
Загрижувачка статистика
СЗО објави листа на најголемите здравствени проблеми со кои се соочува човештвото денес:
Над 90% од луѓето дишат загаден воздух, предизвикан од согорувањето на фосилните горива.
Комарците ја шират инфекцијата побрзо и побрзо.
Екстремните временски услови, деградацијата на земјиштето и загадувањето на водата влијаат врз здравјето на луѓето.
Ѓубре, а најмногу пластичен отпад, се наоѓа насекаде (на највисоките длабочини на океанот, највисоките планински врвови (). Тој отпад влијае и на синџирот на исхрана.
Системите кои произведуваат високо преработена и нездрава храна и пијалоци ја зголемуваат дебелината кај луѓето, но и ризикот од рак и срцев удар. Истите овие системи испуштаат третина од емисиите на стакленички гасови во светот, кои влијаат на ефектот на стаклена градина.
Иако пандемијата на коронавирус на сите ни ја покажа моќта на науката, СЗО нагласува дека сè уште постои голема нееднаквост меѓу луѓето. Пандемијата ги откри сите слабости во сите сфери на општеството.
