Поради своите антиоксидантни и антибактериски својства, алоето е број 1 во козметичката и прехранбената индустрија.
Алоето е растение кое складира лековита вода – гел во листовите, најпознато е по лечење повреди и рани и негување на кожата, но може да ве спаси и од кариес, да го намали високото ниво на шеќер во крвта…
Поради неговите антиоксидантни и антибактериски, антивирусни и антисептички својства, изобилството на витамини, минерали и амино киселини, неговите предности се многубројни, па затоа се користи во козметичката, фармацевтската и прехранбената индустрија.
Еве како се докажани неговите терапевтски својства:
- Ги смирува изгорениците
Локално се користи со триење на гелот на кожата. Има долга историја на употреба во заздравувањето на раните и се покажал како особено ефикасен во лекувањето на изгореници, вклучувајќи ги и оние од сонцето. Исто така, помага да се спречи црвенило, чешање и инфекции.
- Го намалува забниот плак
Кариесот и заболувањето на непцата се многу чести здравствени проблеми. Еден од најдобрите начини за спречување на овие состојби е да се намалат бактериските наслаги на забите. Исто така го спречува отокот и крварењето на непцата.
- Помага при лечење на рани
Многу луѓе во одреден момент од животот добиваат рани кои траат околу една недела. Третманите со алое вера може да го забрзаат нивното заздравување во устата.
- Помага при рефлукс
Почестото враќање на стомачната киселина во хранопроводникот може да резултира со гастроезофагеален рефлукс. Ако го користите алое вера орално, неговите благи својства ќе помогнат да се ублажи чувството на печење во стомакот.
- Го намалува нивото на шеќер во крвта
Корисно е за пациенти со дијагноза на преддијабетес или дијабетес тип 2 поради неговите ефекти врз контролата на гликемијата. Алое вера може да ја зголеми чувствителноста на инсулин и да помогне да се подобри управувањето со шеќерот во крвта. Не заборавајте да се консултирате со вашиот лекар за употреба.
- Го спречува стареењето на кожата
Постојат докази кои сугерираат дека гелот од алое вера може да го забави стареењето на кожата и брчките, а оралниот внес го зголемува производството на колаген и ја подобрува еластичноста на кожата во период од 90 дена. Алоето ѝ помага на кожата да ја задржи влажноста и добро се покажа во лекувањето на акни, псоријаза и егзема.
Во овој случај можете да го користите секојдневно, а воедно е и одлично природно средство за вадење шминка.
Треба да го знаете и ова
Алое вера е безбедна за употреба (гел, маст, сок, додатоци во исхраната), несаканите ефекти се ретки. Локалната употреба е можна за секого, а оралната употреба треба да се консултира со лекар, особено ако ви е препишана некоја терапија.
Предноста на користењето на ова растение кога сте запек е латексот што го содржи – леплив жолт остаток кој се наоѓа веднаш под кожата на листот. Клучното соединение одговорно за лаксативното дејство се нарекува алоин или барбалоин, но не треба често да посегнувате по ова решение бидејќи тоа може да влијае на влошување на синдромот на нервозно дебело црево или воспалителна болест на цревата.
Треба да престанете да го земате доколку предизвикува стомачни грчеви или дијареа – не се препорачува за луѓе кои страдаат од Кронова болест, колитис или кои имаат проблеми со хемороиди.
