Холивудскиот актер Клинт Иствуд ја откри тајната на својата долговечност – се е во правилата за исхрана!
Холивудскиот актер Клинт Иствуд игра во филмови од 1955 година и нема сомнеж колку публиката го обожава. Оваа година наполни 92 години и се уште работи. Моментално работи на нов документарец за дивиот свет наречен „Why On Earth“ и сите се прашуваат како успева да остане здрав и енергичен.
Иствуд секогаш знаел да остане во форма. Тој веќе кревал тегови на 19 години, а неколку децении подоцна одржувал редовна рутина за вежбање. Затоа, исхраната отсекогаш имала клучна улога во се, а актерот ја откри тајната на својата долговечност.
“Се обидувам да внимавам на внесот на заситени масти. Никогаш не сум имал високо ниво на телесни масти, но отсекогаш сум бил прилично редовен во исхраната”, рекол Иствуд во едно интервју.
Прекумерната потрошувачка на заситени масти може да доведе до покачени нивоа на холестерол, што потоа може да го ограничи протокот на крв до виталните органи, како што е срцето. Ако протокот на крв во срцето е блокиран, доаѓа до срцев удар.
„Држете се настрана од јаглени хидрати, особено богати десерти. Чувајте ја вагата во бањата. Одморете се доволно. Обидете се да бидете оптимисти. Јадете овошје и сиров зеленчук. Земете витамини. Прескокнете слатки пијалоци. Избегнувајте премногу алкохол“, рекол актерот.
Клинт Иствуд никогаш не јаде од задоволство, како што потврди неговиот син Скот во едно интервју.
„Татко ми не јаде од задоволство. Тој јаде лосос и кафеав ориз за појадок. Претпоставувам дека сум како него во тој поглед кога се работи за храна“, рече тој.
Експертите се согласуваат дека советот на актерот има смисла бидејќи управувањето со тежината е одличен начин да го намалите ризикот од болести. На пример, прејадувањето може да го зголеми ризикот од развој на дијабетес тип 2, висок крвен притисок и мозочен удар. Храната богата со заситени масти вклучува месни производи како што се колбаси, путер и маснотии, сирење, сладолед, некои солени грицки, слатки, бисквити, колачи.
„Маснотиите во телото на Иствуд се помалку од 10 проценти. Иствуд одржува диета со малку маснотии и богата со протеини. Тој исто така внимателно го следи холестеролот. Неговиот татко, човек на кој омилено јадење му било месо и компири, починал релативно млад од кардиоваскуларни болести. “, рече д-р Хари Демопулос, неговиот лекар.
