Кога ќе го слушнете зборот „метаболизам“, првото нешто на што повеќето ќе помислат е губење на тежината. Се верува дека оние кои се слаби имаат брз метаболизам, додека за оние кои страдаат од вишок килограми се вели дека имаат бавен, „поспан“ метаболизам.
Експертите од клиниката Мeјо потсетуваат дека на телото му е потребна енергија за извршување на основните функции – од дишење, преку балансирање на хормоните до циркулација.
Базалниот метаболизам или метаболизмот покажува колку калории му се потребни на телото за да ги изврши сите функции. Оваа бројка никогаш не е константна и зависи од составот на нашето тело, возраста и полот. Колку е повисок нашиот базален метаболизам, толку повеќе телото согорува калории во мирување, што значи дека полесно ќе ги изгубиме вишокот килограми.
Што треба да направиме за да го забрзаме метаболизмот?
Внесувајте доволно калории
Доколку не внесувате доволно калории секој ден, постои ризик телото да складира калории наместо да ги согорува. Кога не јадете доволно, вашето тело е лишено од витамини и минерали што му се потребни.
Жените треба да внесуваат помеѓу 1.600 и 2.400 калории дневно, а мажите од 2.200 до 3.200 калории.
Но, не се сите калории исти. Оние од брза храна немаат ист ефект како оние од овошје, зеленчук, млечни производи, месо и јајца.
Збогатете го вашиот оброк со протеини
Вклучувањето на храна со висока содржина на протеини може да резултира со побрз метаболизам, а со тоа и побрзо губење на тежината.
Препорачаната дневна доза на протеини за жени е 46 грама дневно, а за мажи 10 грама повеќе.
Заменете го со други зачини
Јадењето без сол може да биде невкусно, но и прекумерното внесување сол може да иницира висок крвен притисок, срцеви заболувања и мозочен удар. Ако ги збогатите оброците со вкусни зачини наместо сол, тоа ќе го поттикне вашиот метаболизам и воедно ќе биде празник за непцето.
Нутриционистите препорачуваат кајен пипер, како и куркума. Кајенската пиперка ја забрзува циркулацијата, а куркумата ги ублажува воспалителните процеси во организмот. Кога ќе измешате куркума со мелен црн пипер, организмот подобро ќе ги искористи благотворните ефекти на двете билки.
