Актерката Џенифер Анистон секако е една од дамите кои „стареат со стил“ и во полн сјај.
На социјалните мрежи таа ги споделува своите секојдневни моменти со своите следбеници, како и стимулации за водење здрав начин на живот. Таа во неколку наврати изјави дека не очекува луѓето на нејзина возраст да се однесуваат млади, туку дека сака да се грижи за своето тело со своите здрави навики.
На својот „Инстаграм“ профил таа сподели видео во кое во неколку сегменти покажува кои вежби ги применува, опишувајќи ги како „најдоброто нешто што некогаш го направила“.
Во текот на нејзината кариера, таа имаше неколку слики и видеа од нејзиниот тренинг пилатес, трчање, бокс, па дури и скокање јаже, што е доволен показател дека Џенифер е вистински пример за фит дама во нејзините 50-ти.
- Станував неколку часа пред работа за да правам кардио, што мислев дека мора да боли. Но, овие вежби ми го променија животот – рекла Џенифер, а пренесува Dailymail.Актерката започна со таканаречениот „функционален фитнес“. Тоа е рутина која вклучува работа на мускулите на стомакот, глутесите, квадрицепсите и другите мускули. Сепак, покрај работата на мускулите, овие видови тренинзи се фокусираат и на подобрување на рамнотежата, стабилноста, виталноста и мобилноста.
Вежбите за време на овој тренинг се наменети да имитираат движења што луѓето ги прават секој ден, како што се станување од кревет или земање предмети од подот. Во вежбите се вклучени опрема како мали и големи топчиња со одредена тежина или еластична лента за нозете.
