Чиа семето е суперхрана за која сите зборуваат!
Чиа семките многумина ги дефинираат како „волшебно“ семе, храна која прави чуда во нашето тело. Која е тајната?
Што е чиа семе?
Веруваме дека многумина од вас никогаш не слушнале за ова семе, иако постои илјадници години. Ацтеките биле првите кои ги спомнале семките од чиа како основна храна што ја користеле како дел од религиозните церемонии, но и за медицински цели.
Кои се основните придобивки од чиа семето?
Чиа е растение најбогато со омега 3 масни киселини, протеини и влакна, а содржи и значителен број на витамини, минерали и антиоксиданси. Чиа семето е одлично за регенерација на кожата, но и за согорување на маснотии, го зајакнува организмот и позитивно делува на органите за варење. Нутриционистите се согласуваат дека чиа семето е едно од најдобрите што можете да ги конзумирате доколку се чувствувате слабо, без енергија бидејќи ја победува работата на мускулите и ослободува енергија во вашето тело, па затоа често го користат спортистите.Ова семе содржи и 37% диетални влакна кои ја стимулираат функцијата на цревата. Диетата, или строгата диета базирана на конзумирање на ова семе, се покажа како одлична како превенција од рак на дебелото црево.
Зошто чиа семето е добро за кожата, косата и ноктите?
Чиа семето содржи и Омега 6 масни киселини, антиоксиданси (само еден грам чиа семе е четири пати побогато со антиоксиданси од свежите боровинки) и протеини кои се многу важни за здравјето на кожата.
Истражувањата покажаа дека консумирањето чиа семе влијае и на здравјето на косата и ноктите бидејќи чиата е одличен извор на протеини (20%) кои телото мора постојано да ги има за да го рефлектира и да го заштити коренот на косата и ноктите.
Дали може да ви помогне да изгубите тежина?
Конзумирањето семе од чиа го намалува апетитот, го забрзува метаболизмот и го активира гликогенот, кој исто така е важен за согорување на мастите.
Како се конзумира?
Чиа семките имаат многу благ и пријатен вкус, а најлесно е да ги изблендирате семките за смути или да ги ставите во витаминска, лесна салата, а можете и сами да ги јадете. Трикот е да ги потопите во вода 15 минути, само колку да пораснат до големина која е 10 пати поголема од вообичаената.
Колку семки треба да изедеме за да го видиме ефектот?
Се препорачува една лажица чиа семе дневно, и не повеќе од тоа бидејќи чиата содржи многу влакна кои можат да го преоптоварат секој кој има чувствителен стомак.
