Дополнителна мотивација да се откажете од пушењето!
Пушачкиот слуз, постојаното останување без здив и облеката што мириса на скара не се доволни мотиви да се откажете од пушењето, неколку интересни факти за вашето здравје можат да помогнат.
Сите пушачи знаат колку нивната страст за цигарите е штетна за нивното здравје, но тоа не ги спречува да бидат робови на никотинот.
А како дополнителна мотивација за евентуално откажување од пушење наведуваме како лекарите опишуваат што се случува во нашето тело по откажувањето од пушењето.
20-30 минути – крвниот притисок и отчукувањата на срцето се намалуваат, а рацете и стапалата се загреваат.
8 часа – нивото на јаглерод моноксид во крвта се намалува, а нивото на кислород се зголемува.
48 часа – сетилата за вкус и мирис почнуваат да функционираат подобро.
72 часа – бронхијалните цевки се релаксираат.
2 недели до 3 месеци – циркулацијата на крвта е подобра и посилна, како и функцијата на белите дробови.
1 до 9 месеци – кашлицата и конгестија на синусите се намалуваат. Белите дробови полесно ослободуваат слуз, почисти се и затоа се намалува можноста за зараза и телото има повеќе енергија.
1 година – ризикот од срцеви заболувања е двојно помал отколку кај пушачите.
5 години – ризикот од мозочен удар и рак на матката станува ист како кај непушачите, а ризикот од рак на усната шуплина, грлото и простатата е двојно помал од претходно.
10 години – ризикот од рак на белите дробови е двојно помал отколку кај пушачите, а ризикот од рак на панкреасот е ист како кај непушачите.
15 години – ризикот од срцеви заболувања и смрт е ист како кај непушачите.
