Рибизлата го регулира варењето и помага при запек.
Понекогаш не ги забележуваме најкорисните и најздравите работи, дури и кога се при дофат на рака.
Ова е случај и со рибизлите, овошје што многумина го занемаруваат. Сепак, тоа е голема грешка бидејќи рибизлата е вистинска природна аптека.
Рибизлата е овошје од бобинки. Плодот изгледа како минијатурна верзија на грозје, а плодовите се обично црвени, бели или црни, во зависност од видот. Црвената рибизла е богата со калциум и фосфор.
Содржи и витамини Б (Б1, Б2, Б3 и Б6), Ц, А и К. Тоа е одличен извор на антиоксиданси и минерали кои го подобруваат квалитетот на кожата и косата. Помага за детоксикација на телото и со тоа ја зголемува отпорноста на телото од болести.
Придобивки
Здравствените придобивки од црвената рибизла се посилен имунитет, превенција од срцеви заболувања, намален крвен притисок, поздрави коски, подобро варење и чиста кожа.
Рибизлите содржат калиум, кој е важен за здравјето на срцето и квалитетна работа на целиот организам. Има превентивно дејство при хипертензија, го намалува крвниот притисок и помага да се намали ризикот од мозочен удар. Има значителна количина на витамин К, кој помага за здраво згрутчување на крвта.
Овој витамин е одговорен и за одржување на здрави коски бидејќи го регулира калциумот во коските, па затоа се препорачува и за остеопороза.
Без разлика дали се јадат свежи бобинки или во форма на сок и желе, рибизлите имаат одлично лаксативно дејство.
Ако се консумира само неколку дена по ред, проблемот со запек исчезнува. Поради содржината на влакна, редовното консумирање ја стимулира работата на цревата и желудникот и природно го забрзува варењето.
Кои делови од рибизли се добри за здравјето?
Семето во овошјето од рибизла содржи гама-линоленска киселина, која го намалува високиот крвен притисок, болката и воспалението, ги ублажува алергиските реакции и проблемите со кожата. Семето е добро да се користи за ублажување на ПМС, алергии, напнатост и стрес, како и псоријаза и егзема.
Овие бобинки се користат и за надворешна употреба како облога за повреди, исекотини и изгореници.
Составот на црвена рибизла помага да се намали воспалението, па затоа се препорачува за луѓе кои имаат проблеми со акни и други кожни болести.
Го зајакнува имунитетот
Изобилството на витамин Ц ја прави црвената рибизла моќен сојузник на силен имунитет. Само една грст дневно ќе обезбеди доволно енергија и ќе го зајакне имунолошкиот систем.
Корисни својства на црната рибизла:
Содржи многу природен пигмент антоцијанин кој им дава боја на рибизлите. Антоцијанинот се смета за еден од најмоќните природни антиоксиданси.
Исто така е богат со танини, поради што е корисен во лекувањето на дијареа.
