Не постои жена која не се запрашала како изгледа тајната Џенифер Лопез. Многумина се прашуваат како изгледа толку одлично на 52 години и како ја одржува идеалната линија? Тајната е во протеините! Пејачката и актерка строго се грижи што и кога јаде и се труди во исхраната да има повеќе протеини отколку јаглехидрати.
Денот ѝ започнува со чаша вода со лимон и каде и да оди носи вода со себе за да остане хидриранa.Ова е многу важно за добар метаболизам. За разлика од некои кои сакаат да јадат житарки за појадок, таа сака силен, обилен оброк кој дава енергија. Тајната е во протеините – Џенифер сака матени јајца, кои ги прави исклучиво од белки, најчесто 3, со многу различен зеленчук. Кога сакате нешто здраво и слатко, направете протеинско смути за појадок. Покрај јајцата, високо место во нејзината исхрана заземаат и органското пилешко, говедско месо, како и риба – лосос и бранчин кои ги јаде за вечера. Со нив секогаш јаде многу свежи салати зачинети со маслиново масло.
Друга тајна на нејзината здрава исхрана и витка линија е храната во изворна форма, односно онаа која не е преработена. Познато е дека не пие кафе со кофеин и дека избегнува алкохол. Но, нејзиното тело немаше да биде толку волшебно во педесеттите да не беа дисциплина и секојдневно вежбање. За да има енергија за настап, нејзиниот тренинг се состои од многу кардио програми, бидејќи нејзините кореографии се прилично напорни. Покрај кардио, задолжителен е и тренинг за сила, односно вежбање со оптоварување.
