Силната, мрсна храна и многу слатки можат сериозно да го оштетат имунолошкиот систем.Доколку се чувствувате тромо, тешко и постојано поспано, постои реална можност да сте го преоптовариле телото со калорична и силна храна.
Поради таложење на масти и шеќер, телото слабее, па затоа е вистинско време да подготвите детоксикација за негово паметење.
Не ви треба многу за да го исчистите телото од токсини. Најдоброто и најефективното решение се природните намирници кои веројатно веќе ги имате во вашата кујна.
Вода и само вода
Секој процес на детоксикација започнува со внесување на голема количина на вода во вашето тело. Ова е особено важно во сезоната на новогодишните и божиќните празници, бидејќи ќе придонесе вашето тело полесно да се ревитализира, односно да се исчисти од сите токсини.
Зголемениот внес на вода ќе ја подобри функцијата на црниот дроб, што е клучно за ослободување од масти и нечистотии.
Лимон, вода, лимон
Покрај водата, лимонот има и голема моќ во чистење на телото. Најефективен е кога се раствора во топла вода и се консумира како таков неколку пати во текот на денот. Доколку сакате брза детоксикација, започнете го денот со чаша топла вода и лимон на празен стомак.
Покрај тоа, се препорачува да се пие во мали голтки во текот на денот. Лимонот е високо алкална храна која значително ќе го подобри вашиот дигестивен систем и ќе ја намали киселоста на телото, која сигурно по сета таа празнична храна се зголемила.
Јадете само овошје и зеленчук
По обилен оброк, додадете повеќе зеленчук и овошје во вашата исхрана. Нутриционистите советуваат да се јаде барем едно јаболко секој ден, бидејќи го поттикнува варењето. Јаболката се богати со антиоксиданси, како и со пектин.
Не заборавајте на цедените сокови од зеленчук како цвекло, брокула, зелка, кои се вистинска магија за здравје и закрепнување на организмот од тешката храна за време на празниците.
Јаболков оцет
Доколку сакате да се ослободите од вишокот вода, а со тоа и од насобраните токсини од телото, наутро истурете две лажици јаболков оцет во чаша топла вода. Ако ви пречи киселината, во растворот додајте една лажица мед, што исто така прави чуда кога станува збор за чистење на телото, ослободувајќи го од наталожените масти.
Детокс чаеви
Чаевите ќе ви помогнат да го исчистите телото по тежок празничен оброк со многу месо. Најдобар е зелен чај, чај од коприва, чај од ленено семе и чај од глуварче.
