Ова смути истовремено ќе ве освежи и стопли, а доколку направите некоја „појака“ варијанта ќе ве засити.
Состојки за 1 лице:
1 јаболко
2-3 урми или 1-2 лажици нектар од урми (или друг нерафиниран засладувач)
250 мл вода или бадемово млеко
¼ лажички мелен цимет
прстофат мелено каранфилче, пимент, ѓумбир и/или морско оревче
За погуст и побогат пијалок додадете:
½ банани, исечени
½ лажици путер од бадем
Подготовка:
Јаболкото исечкајте го на четвртинки и извадете ја средината, па исечете ги на помали парчиња. Исто така урмите ги сецкате на мали парчиња, доколку ги користите. Во блендер, ставете вода или растително млеко, додадете ги парчињата јаболко, сецканите урми (или нектар од урми) и зачини по ваш вкус (и, ако сакате пијалокот да ве засити, исечете половина банана и путер од бадеми) и миксирајте целосно додека не добиете мазен пијалок.
Ставете ја смесата во мало тенџере и загрејте на тивок оган. Топлиот напиток налејте го во шолја и посипете малку мелен цимет.
