Тиквички на скара со нане се нашиот избор за вечерна закуска.
Тиквичките содржат голема количина калиум – околу 8% од препорачаната дневна доза на овој минерал.
Експертите велат дека калиумот може да биде од голема помош кога станува збор за контрола на крвниот притисок, бидејќи ги намалува штетните ефекти на солта во нашето тело. Истражувањата покажуваат дека зголемувањето на внесот на калиум може да го намали ризикот од мозочен удар, како и да ги намали шансите за развој на срцеви заболувања.
Исто така, тиквичките се богати со витамин Ц, кој го зајакнува имунитетот и нѐ прави поздрави. Покрај тоа, тиквичките содржат многу малку калории, па затоа се идеални за луѓе кои сакаат да ја регулираат телесната тежина.
Од друга страна, нането има корисен ефект врз органите за варење, и покрај тоа, се покажа дека е ефикасно во третманот на настинки и грип. Ова растение смирува, спречува иритација на кожата…
Сосема доволно причини зошто треба да ги комбинираме овие две намирници во вкусен, здрав и вегански оброк. Еве како!
Состојки:
- 3 тиквички со средна големина
- 1 праз (или 3 помали кромид)
- 3 лажици маслиново масло
- 1 чешне лук
- 2 лажици сок од лимон
- 1/4 чаша тахини
- 1/4 чаша лисја од нане
- сол, бибер
Подготовка:
Загрејте тава или скара
- Исечкајте ги тиквичките на парчиња и измешајте ги со лажица масло и половина лажица сол.
- Додадете сецкан праз (или кромид) и промешајте.
- Оставете да отстои околу 10 минути, оставете ги тиквичките да ја ослободат водата.
- Во меѓувреме, додадете лук, тахини, сок од лимон и 2 лажици нане во блендерот и изблендирајте.
- Додадете уште две лажици маслиново масло и бибер по вкус во смесата.
- На тивок оган, кратко пропржете ги тиквичките и празот.
- Отстранете го зеленчукот на чинија и истурете ја смесата од тахини, лук и нане.
- Аранжирајте со неколку листови нане.
Служете топло! Добар апетит!
