Ангелите на Victoria’s Secret не живеат толку строго како што би помислиле, но тие следат одреден ритам на исхрана и тренирање.Повеќето планови за исхрана вклучуваат ограничување на лошите јаглехидрати, пржена храна и додаден шеќер и вклучуваат многу овошје, зеленчук, здрави масти и добар извор на протеини во секој оброк.
Според некои верзии на диетата, дневниот внес на калории е ограничен, до 1300 калории дневно. Други вклучуваат интермитентно постење, што се однесува на ограничен внес на храна во одредени периоди од денот.
Вежбањето е уште една важна компонента на планот за исхрана, а вклучени се активности како јога, планинарење, бокс, пилатес.
Каква храна јадат?
Повеќето модели следат диета богата со хранливи материи која вклучува овошје, зеленчук, цели зрна, протеини и здрави масти.
Зеленчук: брокула, карфиол, домати, аспарагус, моркови
Протеини: живина, морска храна, јајца
Житарици: киноа, кафеав ориз, овес, кускус
Јаткасти плодови: лешници, бадеми, ф’стаци, индиски ореви, макадамија (австралиски орев)
Семиња: чиа, тиква, лен, коноп
Мешунки: наут, грав, леќа
Здрави масти: кокосово масло, маслиново масло, авокадо
Што избегнуваат од храната?
Иако многу модели нагласуваат дека не исфрлаат целосно ниту една специфична храна, тие мора да ограничат одредени видови храна, шеќер и алкохол, како и, главно, храна богата со јаглехидрати.
Избегнувајте чипс, колачи, ѓевреци, брза храна, слатки, шеќер, кафеав шеќер, јаворов сируп, мед, алкохол, компири, пченка, грашок, ананас, банани, манго, грозје.
Како тренираат?
Редовната физичка активност е клучна.Тие обично вежбаат 3-5 пати неделно, а тренинзите траат околу еден час.
Вклучени се следните активности:
-Тренинг за сила
-Јога
-Пилатес
-Бокс
-Џогирање
-Зумба
-Пливање
Активностите може да се мешаат за да се создаде специфична рутина за обука за секој поединец.
