Актерката е позната по тоа што се грижи за исхраната и редовно вежба…
Американската актерка Хали Бери (55) со децении важи за една од најатрактивните жени во светот. Без разлика на бројот на роденденски свеќички, актерката во шестата деценија од животот е вистинска атлета, а нејзината голема мотивација и посветеност на своето тело секако се приметни.
Актерката е позната по тоа што се грижи за исхраната и редовно вежба, а често знае да сподели некои интересни совети со своите следбеници на Инстаграм.
– Ќе ви откријам што ме одржуваше во форма, здрава и полна со енергија во последните десет години – диетата – рекла Хали и додала:
– Да, добро прочитавте – десетгодишна диета. Сепак, не грижете се. Не станува збор за класични диети кои вклучуваат гладување, туку за разновидна, урамнотежена исхрана која вклучува избегнување на нездрава храна. Нашиот внатрешен воин е добар само се додека добро го храниме, а она што го јадеме ја гради нашата основа.
Хали со години тренира со својот тренер Питер Ли Томас, а рутината вклучува само еден ден одмор.
Како што вели, кондицијата ја одржува практикувајќи вежби базирани на скокање. Актерката признава дека работи и на стомачните мускули и дека атлетски го затегнала стомакот по две породувања.
– Не е лесно, но секогаш се сеќавам зошто сакам да живеам здраво. Имам деца и сакам да бидам покрај нив што подолго. Сакам да живеам што е можно подолго и да чекам да ги видам моите внуци – рекла Бери и додаде дека најважно е да го слушаш своето тело.
ЖИВОТ СО ДИЈАБЕТИС
Лекарите и рекле на актерката дека дијагнозата на дијабетес тип 1 значи дека таа е зависна од инсулин.
– Во раните дваесетти, непосредно пред да ми биде дијагностициран дијабетес, бев зависник од шеќер. Денот го започнав со слатки снегулки и разни видови корнфлекс, по што се засладував со тврди бонбони. Постојано бев под влијание на шеќер – изјавила Хали Бери.
По дијагнозата, актерката целосно се промени за само неколку дена. Свртела нов лист и ги исфрлила слатките, десертите и овошјето од нејзината редовна исхрана.
Нејзината исхрана сега е богата со зелен зеленчук, ориз и здрави намирници. Таа се придржува и до автофагија, режим во кој храната се конзумира одреден период од денот, додека остатокот од денот не се јаде, практично се пости на вода.
– Луѓето често ме прашуваат дали е тешко да се откажам од одредена храна, но мојот одговор е не, никако. Вистина е дека е предизвик наеднаш да се промени начинот на исхрана, но по само три недели се навикнувате.
По тој период, желбите полека исчезнуваат и вашиот вкус целосно се менува. Со исфрлање на само неколку намирници од секојдневието, почувствував значително подобрување на здравјето, но и на изгледот – заклучила актерката.
