Импресивна фигура не настанува сама по себе, мора да се работи на…
Поминаа 27 години откако Џенифер Анистон дебитирала во серијата „Пријатели“, дури и не замислувала какво влијание ќе има врз светската поп-култура. И покрај нејзината планетарна слава, атрактивната актерка останала скромна и оптимистична, насочувајќи ја својата перспектива кон хуморот.
Не знаеме дали амбицијата е одговорна за деловниот успех или нејзиниот талент одиграл голем дел во тоа, но ние сме сосема сигурни дека амбицијата ја доведе до совршена фигура. Покрај постојаното вежбање, саканата Рејчел е апсолутно строга кога станува збор за храната, и не дозволува да биде преоптоварена дури и во стресни ситуации.
Во септемврискиот број на списанието InStyle, на прашањето што јаде кога станува нервозна, актерката одговори: „Еден чипс. Или една M&M бомбона. Знам дека звучи досадно, но јас сум едноставно добра во контролата и одржувањето.“
Дури и кога станува збор за пијалоци, не отстапува многу. „Сакам чиста маргарита без шеќер или валкано мартини. Пијам најмногу три пијалоци и не консумирам ништо егзотично.“
Покрај здравата и урамнотежена исхрана, добар и квалитетен сон и се многу важни бидејќи „тогаш нашите клетки се подмладуваат, нели?“ Поради повредата што ја имала минатата есен, моментално е посветена само на пилатес, но признава дека и недостига посилен тренинг. „Планирам да се вратам на мојот режим на вежбање 15-15-15, што значи 15 минути возење велосипед, потоа толку нордиско одење и трчање“, објаснила таа.
Во интервјуто, таа исто така спомена како успеала да се справи со раскинувањата и да стане среќна, исполнета и задоволна жена, во чиј живот нема место за каење: „Терапија. Огромно разбирање за прифаќање на ситуацијата во која се наоѓам. Исто така, учење од туѓи примери. Гледајќи како луѓето што ги сакам страдаат и се губат во тоа, сфатив дека не го сакам тоа за себе. Тие не го најдоа зборот „прошка“ во нивниот вокабулар. Тоа е навистина жално, бидејќи е многу важно да можеме да им простиме на оние што нè повредиле.“
Колку „Friends“ влијаеле врз неа, но и врз животот на многу луѓе кои ја сакале оваа емисија, таа откри: „Серијата не е само во етерот или на телевизорот, туку и во нашите вистински тела – нашата ДНК, нашиот крвоток, нашите клетки. Тоа беше необично искуство. Сите бевме на вистинското место во вистинско време и создадовме нешто што заглави мало знаме во срцата на луѓето ширум светот.“
