Жалфијата се смета за природен антибиотик, бидејќи се користи за лекување на бројни воспаленија и други здравствени проблеми.
Пред неколку векови, чајот од жалфија се користел за воспаленија на грлото, фаринксот, засипнатост, воспаление на внатрешните органи, туберкулозно потење, габични инфекции, како и за вагинални млазници.
И денес, бидејќи има антисептично дејство, се користи за гаргара при болки во грлото и афти. Ова лековито растение се смета за антибиотик со широк спектар, се користи и за регулација на потење, за топлотни бранови во климаксот, за менструални нарушувања, за зајакнување на нервите, за прочистување на црниот дроб, за ревматизам. Влијае и на процесите на варење и секреција на жолчката.
Жалфијата има антимикробно и спазмолитичко дејство (така што ги опушта мазните мускули), а исто така го намалува лачењето на пот и плунка. Со оглед на тоа што го спречува развојот на вируси, се користи и во мастите против херпес.
Се користи и за релаксација, за ублажување на напнатоста и нервозата, како и за несоница. Доилките кои сакаат да престанат со доењето користат жалфија за да го запрат млекото.
Жалфијата е ефикасна и за дезинфекција на рани и чиреви, како и за запирање на крварењето. Се користи и за инхалација при астма, бронхитис, но и при инфекции на респираторниот тракт, бидејќи делува и како антимикробно.
За внатрешна употреба една лажица чај од жалфија се прелива со шолја вода и се вари 3-5 минути, а за надворешна употреба (плакнење, дезинфекција) не се вари, туку чај од жалфија се прелива со зовриена вода, се покрива и се остава да отстои половина час, по што се филтрира и се плакне неколку пати на ден.
