Доколку не знаете со кој здрав оброк да го завршите денот, имаме совршен предлог. Сите нутриционисти се согласуваат дека последниот оброк во денот треба да биде лесен и полн со хранливи материи, а ние најдовме токму таков рецепт.
Главната состојка е чиа семето, а тие се добри за нашиот организам поради неколку причини. Богати се со омега-3 и омега-6 масни киселини, влакна, антиоксиданси, протеини, но и со манган, магнезиум, фосфор и калциум. Сосема доволно причини да станете дел од вашата исхрана.
Еве еден предлог на кој можете да ги подготвите:
Потребни намирници:
4 лажици чија семе
2 банани
250 ml вода
250 мл млеко
лажица мед
малку цимет
Изгмечете ги бананите со вилушка, па измешајте со сите останати состојки. Целата смеса ставете ја во фрижидер. Чија семките ќе го направат своето и ќе го „згуснат“ овој пудинг.
