Вкусен и освежителен, овој напиток е одличен за детоксикација и зајакнување на имунитетот. Благодарение на тоа што е пријатен за сите сетила, ќе стане и вашиот омилен освежителен пијалок, кој ќе сакате да го подготвите за сите.
Кога сокот од свеж ананас ќе додадете малку свеж ѓумбир и корен од куркума, ќе добиете вкусна смеса, одлична за зајакнување на имунитетот и детоксикација.
Ананасот е богат извор на витамин Ц и антиоксиданси, како и диетални влакна и манган, важни за здравјето на коските. Содржи ензим бромелаин, кој потекнува од стеблото на ананасот, а студиите покажуваат дека бромелаинот, благодарение на неговите антиинфламаторни својства, помага да се намали воспалението и да се подобри варењето. Исто така е важен за метаболизмот на протеините и согорувањето на несаканите масти.
Сите слушнале за бројните здравствени придобивки од ѓумбирот и веќе го вклучиле во секојдневниот избор на храна. Ѓумбирот ја подобрува циркулацијата на крвта, го помага варењето и го стимулира природниот процес на детоксикација на телото, така што овој напиток не само што ќе има добар вкус туку и ќе има многу здравствени придобивки.
Куркумата, како и ѓумбирот, делува благотворно на организмот, а лиметата како извор на витамини, минерали, флавоноиди и антиоксиданси го прави овој напиток уште попожелен.
Како да направите свеж сок од ананас?
Подгответе плодови и корени. Излупете ги и исечкајте ги ананасот, ѓумбирот, куркумата и лиметата.
Ставете една по една состојка во соковник со голема моќност и промешајте. Дополнително промешајте со дрвена лажица, па истурете во голема чаша четвртина чаша сок, четвртина чаша искршен мраз, а остатокот од чашата наполнете го со кокос или обична вода.
Украсете со парчиња ананас и уживајте во вкусниот пијалок за детоксикација.
