Настинката е тешко да се избегне овие денови – за среќа, нејзините симптоми може да се ублажат со вкусен, слатко-зачинет пијалок. Неговите состојки имаат антиинфламаторно дејство кое го смируваат воспаленото грло.
Состојки:
1 ананас со средна големина
1 лимон
парче ѓумбир долг 5 см
½ лажичка куркума
½ лажичка кајен пипер
прстофат свежо мелен црн пипер
Излупете го ананасот и исечете го на коцки. Истата процедура ја правите со лимонот и ѓумбирот. Целиот микс го ставете во сад, па додавате куркума, кајен и црн пипер, а секако ова смути треба убаво да се промеша. Бидејќи се препорачува да се пие по половина чаша (125 ml) три пати на ден, најдобро е секој пат да се меша свеж пијалок: одвојте околу една петтина од состојките и измешајте во блендер. Ако сакате потенок пијалок, додадете малку вода или сок од портокал. Добро затворете го садот со останатите состојки и чувајте го во фрижидер.
