Друга предност покрај освежителниот вкус е тоа што овој пијалок речиси и да нема калории!
Водата е неопходна за здравјето, а се верува дека околу осум чаши вода се неопходни за оптимална дневна хидратација. Кога пиеме вода, па дури и кога консумираме „водена“ храна како диња, лубеница и друго овошје и зеленчук, значително придонесуваме за нормално функционирање на организмот. Најважната придобивка од хидратацијата е тоа што помага да се одржи соодветна рамнотежа на течности во телото и штити од задржување на вода.
Осум чаши вода се пропишана мерка, но потребата на секого за течности варира во зависност од нивото на активност и телото. Сите течности (и храната полна со вода) се вбројуваат во вкупниот внес на течности.
Бидејќи хидратацијата е особено важна во летните месеци, ви пренесуваме рецепт кој има повеќекратни здравствени придобивки, а дополнително помага и за слабеење. Овој пијалок го нарекуваме вода Саси, во чест на креаторот на овој рецепт, директорката за превенција на исхраната Синтија Сас.
Друга предност покрај освежителниот вкус е тоа што овој пијалок речиси и да нема калории.
Потребно ви е:
– 2 литри вода
– 2 лажички рендан ѓумбир
– 1 краставица (средна големина) тенко исецкана
– 1 лимон тенко исечен
– 12 мали нане листови
Ставете ги сите состојки во голем бокал и оставете да отстои преку ноќ. Пијте го целиот бокал до крајот на секој ден. Овие состојки не се избрани само за вкус: ѓумбирот помага и на дигестивниот тракт, што на крајот резултира со порамен стомак.
