Од емитувањето на првата епизода на култниот ситком „Пријатели“ на 22 септември 1994 година, оваа серија стана еден вид феномен, кој денес е подеднакво популарен. Токму „Пријателите“ ги прославија главните актери – Џенифер Анистон, Кортни Кокс, Лиза Кудроу, Мет Лебланк, Дејвид Швимер и Метју Пери. Ако мислевте дека знаете сè за оваа серија и нејзините актери – дали некогаш сте се запрашале што јаделе популарните актери за време на напорни сетови? Имено, повеќе од десет години, целиот тим на „Пријатели“ јаде исто јадење според рецептот на Џенифер Анистон, за кое ви донесуваме и рецепт.
Имено, јадењето што го обожавале актерите било, верувале или не, салата. Секој ден, повеќе од десет години, целиот тим заедно си ручале, а токму нивниот здрав и вкусен деликатес било на нивното мени. Рецептот го смислила познатата 51-годишна Џенифер Анистон, и ако нејзината салата ги воодушеви „Пријатели“, дајте и шанса да ве воодушеви и вас.
Состојки:
1 чаша булгур
2 сецкани краставици
1 конзерва грав (исплакнете и исушете)
1 црвен кромид (ситно сецкан)
2 лажички магдонос
1 гранче свежо нане
половина чаша фета сирење и
половина чаша излупени ф’стаци
Постапка:
Посипете две чаши вода да зовријат. Откако ќе зоврие водата, додадете булгур и намалете ја топлината. Покријте ја тавата и оставете го булгурот да се готви околу 20 минути или додека малку испари водата. Мешајте на секои пет минути. Откако ќе се свари, оставете го булгурот да се излади 20 минути на собна температура. Во голем сад измешајте краставици, грав, ф’стаци, кромид, магдонос, нане и сирење и додадете го булгурот. Добро измешајте ги сите состојки. Послужете веднаш, а остатокот чувајте го во фрижидер. Добар апетит!
