Не постои подобар начин за зајакнување на телото од топлата супа, уште ако е направена од костен – извонредно вкусна. Пробајте го нашиот рецепт, сигурно ќе ви се допадне!
Состојки:
500 гр варени и исчистени костени
масло
глава кромид
2 компири (исечени на четвртинки)
250 мл павлака за готвење
1,5 л супа од зеленчук (две коцки)
листови од магдонос, ситно сецкани
сол, бибер, мајчина душица (по вкус)
Подготовка:
На загреано масло пропржете го ситно сечканиот кромид додека не стане стаклен и мек. Додадете ги излупените костени и компири, кои можете да ги исечете на коцки за побрзо да се сварат, па прелијте ја супата и варете околу 15 минути.
Потоа со миксер ги мешате состојките за да се добие мазна структура. Додадете павлака за готвење и зачинете по вкус, па вратете ја на оган да зоврие. Украсете со листови од магдонос и послужете со тост леб или крутони. По желба можете да додадете и неколку костени во вашите чинии, за атмосферата да биде комплетна.
