Сигурно се прашувате од каде сега моркови во колач, кога исклучиво се користат во солени јадења. Иако храната не е припитомена во нашата слатка традиција, во многу земји се користи за правење разни слатки. Ние ви претставуваме рецепт за традиционален швајцарски колач, што нема да ве остави рамнодушен и ќе посакате повторно да го направите. Можете да додадете сечкани ореви (во оригиналниот рецепт нема), доколку сакате да го збогатите и прелијте со глазура. Доколку сакате да изгледа подекоративно, печете ја тортата во ребрести плех за комисброт или куглоф.
Состојки:
За тестото:
4 јајца
300 мл растително масло
400 г шеќер
2 лажички екстракт од ванила
250 г брашно
2 лажички сода бикарбона
2 лажички прашок за печиво
1/2 лажичка сол
2 лажички мелен цимет
350 г рендан морков
130 г сечкани (или мелени) ореви
За преливот:
130 г путер, омекнат
200 г крем-сирење, омекнато
450 г шеќер во прав
1 лажичка екстракт од ванила
130 г сечкани ореви
Приготвување:
За тестото: загрејте ја рерната на 180 степени. Намастете го и набрашнете го калапот за печење торта.
Во голем сад изматете ги јајцата, маслото, шеќерот и 2 лажички ванила. Додајте ги брашното, сода бикарбоната, прашокот за печиво, солта и циметот и повторно матете. Додајте ги ренданите моркови и оревите и измешајте со лажица. Истурете ја смесата во подготвениот калап.
Печете 40-50 минути, или додека чепкалката боцната во средината на тортата да излезе чиста. Оставете го колачот целосно да се олади.
За преливот: измешајте ги путерот, крем-сирењето, шеќерот во прав и 1 лажичка ванила. Матете додека смесата да стане мазна и кремаста. Додајте ги сечканите ореви.
Кога колачот целосно ќе се олади, премачкајте го со преливот. Послужете.
