Дали некогаш сте пробале да додадете варен наут во вашите слатки јадења? Ако не сте, секако пробајте. Тие не само што имаат одличен вкус во комбинација со чоколадо, туку се и одличен извор на протеини од растително потекло.
Наутот е храна без глутен, богата со диетални влакна, фолати и железо. Тоа е моќна комбинација која го подобрува варењето и го зајакнува имунитетот.
Различни јадења може да се направат од наут, а пудингот е особено добар и може да се послужи како десерт, но и како хранлив појадок.
Состојки за пудинг од чоколадо со наут:
200 грама варен наут
150 грама бадемово млеко
50 грама крцкав путер од кикирики
30 грама какао во прав
3-4 лажици мед
1 замрзната банана
½ лажички цимет
Подготовка:
1. Ставете ги сите состојки во добар блендер или сецкалка за зеленчук и пулсирајте додека не добиете мазна смеса.
2. Смесата префрлете ја во помали чинии и послужете со овошје по желба. Добар апетит!
Совет плус:
Ако сакате да го трансформирате овој десерт во вегански оброк, заменете го медот со сируп од агава, јаворов сируп или паста од урми.
Наместо бадемово млеко, можете да користите други билни алтернативи како што се млеко од ориз, млеко од соја или дури и цело кравјо млеко.
