Докторот препорачува еден витамин за луѓе над 50 години.
„Соодветниот внес на витамини може да помогне во спречувањето на хронични заболувања, подобрувањето на физичките и когнитивните перформанси и целокупното здравје, што сето тоа придонесува за подолг живот“, вели д-р Кевин Кук, експерт за долговечност и мозок во клиниката „Aviv“ во Флорида.
Витамин за долг и здрав живот
Ризикот од хронични заболувања се зголемува со возраста, а д-р Кук вели дека внесувањето доволно од еден витамин може да биде од голема помош, иако многу луѓе не внесуваат доволно од него. Тоа е витаминот Д, за кој д-р Кук вели дека е избор број еден за луѓе над 50 години.
„Витаминот Д е неопходен за одржување на здравјето на коските, зајакнување на имунитетот и намалување на воспалението. Докажано е дека витаминот Д помага при депресија, зголемување на тестостеронот, градење силни коски, здравје на мозокот и подобрување на расположението“, вели докторот.
Истражувањата го потврдија тоа
Фактот дека витаминот Д е важен за луѓето над 50 години не е само мислење на д-р Кук. Студија од 2023 година покажа дека 20 проценти од возрасните на средна и постара возраст во Соединетите Американски Држави имале недостаток на витамин Д, што го зголемило нивниот ризик од смрт од други причини.
Студија од 2022 година спроведена во Кина врз луѓе на возраст од 60 до 113 години покажа дека луѓето кои немале недостаток на витамин Д имале помал ризик од смрт. Разликата била особено забележлива кај жените.
