Еве зошто ја правите големата грешка што јадете сендвичи секое утро…
Најлесно е да направите сендвич за појадок, и со тоа брзо ќе го задоволите гладот.Сепак, експертите тврдат дека правиме голема грешка на тој начин. Нутриционистката Анџелика Дувал објаснува зошто, по секоја цена, мора да избегнуваме сендвичи за појадок.
„Не треба да јадете сендвичи за појадок, храна што инаку е омилена за секого, а еве и зошто. Кога спиеме, нашето тело ги надополнува сите ресурси што се потрошени претходниот ден. И наутро треба да ги надополни резервите потрошени за закрепнување. Ако нашиот појадок е исполнет со витамини и хранливи материи, ние имаме предност на почетокот и ќе се чувствуваме одлично во текот на целиот ден“, објаснува Дувал и продолжува:
„Ако појадокот е лош, тој се состои главно од храна што содржи шеќер и квасец – како што се леб од бело брашно, производи од суво месо кои се полни со конзерванси и бои, тогаш телото, наместо да ги надополнува тие ресурси, ќе се потроши на варење на овие тешки намирници и отстранување на штетни материи“.
Нутриционистот објасни и зошто пиењето кафе наутро не е добра идеја.
„Љубителите на утринското кафе се повеќе склони кон проблеми со крвниот притисок. Во текот на денот, тие често се чувствуваат уморни, апатични, бидејќи кафето дава енергија само за многу краток временски период“, наведува Анџелика.
Според неа, најштетно кај овој пијалок е тоа што го потиснува гладот, што подоцна, навечер, има последица да ни расте апетитот, а малку се оние кои се спротивставуваат на нагонот за јадење, па затоа се дебелееме.
Дувал забележува дека идеален појадок се житарките и тоа домашно подготвените. Направете каша од зготвени житарки и додадете млеко и овошје по желба.
„Два или три пати неделно можете да направите протеински појадок – изматени јајца, варени јајца, салата со лигњи или пилешки гради. И ви предлагам да посветите еден ден во неделата на детоксикација, бидејќи на нашето тело навистина му треба“, заклучи Анџелика Дувал.
