Пастата од сусам, толку популарна во медитеранските земји, лесно го освои локалниот пазар. Покрај тоа што има благ вкус, што го олеснува комбинирањето со друга храна, таанот е исклучително здрав, а исто така лесно се подготвува.
Тахинот се прави од сиров или лесно пржен сусам и малку масло, а се препорачува за сите, освен за луѓе што се алергични на сусам.
Доколку немате алергиска реакција на ова семе кое изобилува со корисни масла, консумирањето таан од ден на ден ќе биде исклучително пријатно за вашиот организам. Важно е да не се претера со количината, бидејќи таанот е многу калоричен поради присуството на масло.
Здравје за срцето
Секојдневното консумирање на таан придонесува за подобра контрола на мастите, како и за намалување на нивото на лошиот холестерол. Затоа овој намаз е добар за срцето.
Ја зачувува густината на коските
Сусамот е природен извор на калциум и како таков е особено корисен за зачувување на густината на коските. Сличен ефект даваат и сувите сливи, зелениот лиснат зеленчук, како и некои млечни производи.
Ги ублажува воспалителните процеси
Воспалителниот процес е основата на повеќето хронични болести. Лошата исхрана, сиромашна со хранливи материи и богата со таканаречени празни калории, има деструктивен ефект врз клетките, додека храната која содржи антиоксиданси и фитонутриенти ги намалува ефектите на слободните радикали и го потиснува воспалението.
Сусамот и сезамолинот се полифеноли кои се наоѓаат во семето од сусам. Тие помагаат да се намали нивото на воспалителни процеси во организмот.
Ја заштитува кожата
Сусамот е богат со витамин Е, кој го одложува појавувањето на брчки и дамки на кожата.
Пастата од сусам содржи цинк и железо, кои се важни за убавината на кожата. Исто така, цинкот го поттикнува производството на колаген, па луѓето кои секојдневно консумираат храна богата со цинк и витамин Е имаат убава, кадифена и чиста кожа.
Одличен е пред тренинг
Долго време има контроверзии за тоа што да се јаде пред да одите на тренинг и која храна е добра за градење и побрзо закрепнување на мускулите после тренинг. Тахинот или пастата од сусам спаѓа во категоријата намирници кои треба да се конзумираат пред одење во теретана или џогирање.
Освен што ќе обезбеди енергија, пастата од сусам ќе обезбеди доволно магнезиум за спречување на грчеви во мускулите, железо за транспорт на кислород низ телото при изложеност на поголем физички напор, како и протеини за зајакнување и обновување на мускулите после тренинг.
Само четири лажици таан со свеж зеленчук пред да одите на тренинг ќе бидат доволен калоричен оброк за мускулите лесно да го издржат напорот на кој ќе бидат изложени.
Направете сами паста од таан
Таан можете да купите во повеќето продавници за здрава исхрана. Овој намаз можете да го направите и дома, во две варијанти – од суров сусам и од оној што можете малку да го испечете во сува тава.
Во двата случаи доволни ќе бидат 200 грама сусам и две лажици маслиново масло. За да го подобрите вкусот, можете да додадете прстофат сол кога таанот е готов.
Префрлете го сусамот (суров или малку печен во суво тавче) во блендер, додадете две лажици маслиново масло и мешајте додека не добие кремаста текстура. По желба додадете малку сол, па пастата истурете ја во тегла, добро затворете ја и чувајте ја на ладно место.
Може да послужите таан со свеж зеленчук, чинии со ориз, гранола, тост…
