Палео исхраната е сѐ попопуларен начин на исхрана во кој внесот на калории не е ограничен, но акцентот е ставен на начинот на избор и комбинирање на храната. Наместо тестенини, леб и компири, палео диетата е богата со зеленчук кој ни помага полека да трошиме енергија, месо и риба, и јаткасти плодови и семиња кои му даваат на телото здрави масти. Пробајте го овој рецепт за пица со „тесто“ од карфиол.
- Состојки:
- 1 карфиол, исечен на цветови, зачувајте ги лисјата
- 1 чешне лук, изгмечено
- 90 гр мелени бадеми
- 1 јајце, лесно изматено
- 2 лажички маслиново масло
- 45 гр рендан пармезан
- За фил:
- 2 лажици маслиново масло
- 2 мали главици кромид, исечени
- 1/2 лажичка мешавина од зачини за стекови
- 250 гр говедски стек
- 230 гр сецкани домати од конзерва
- 1 чешне лук
- 1 црвена пиперка, излупена и исечкана
- 45 гр козјо сирење, исечено на 8 дела
- 8 маслинки
Загрејте ја рерната на 230 ° С. Во блендер, измиксирајте карфиол со лук, така да личи на трошки од леб.
Додадете 1/2 лажичка сол, бадеми, јајце, лажичка масло и пармезан и измешајте сѐ.
Обложете сад за печење пица (со дијаметар од 30 см) со хартија за печење. Притиснете ја смесата од карфиол на дното, премачкајте со маслиново масло и печете околу 20 минути, за да добиете златна кора. Превртете (ставете нова хартија или префрлете ја во друга тава обложена со хартија) и печете уште 10 минути.
Загрејте една лажица масло во тава и лесно пржете го кромидот. Посипете ги говедските стекови со зачини. Отстранете го кромидот од тавата, зголемете ја топлината и печете го месото околу 3 минути, повремено вртејќи го.
Исцедете ги доматите, премачкајте ја основата со карфиол, посипете со кромид, лук и црвен пипер. Стековите исечете ги на ленти и наредете ги на пицата заедно со сирењето, маслинките и лисјата од карфиол. Премачкајте со маслиново масло и печете околу 15 минути, додека не се растопи сирењето. Исечете парчиња пред сервирање.
