Ако имате проблеми со мигрена, веројатно досега сте се обиделе да ја решите на различни начини.
Сепак, истражувањата откриваат дека одредена храна може да ја намали главоболката.
Мигрената е честа, интензивна главоболка која погодува околу 10 отсто од светската популација. Истражувањата покажуваат дека една од 5 жени и околу еден од секои 15 мажи имаат мигрена.
Луѓето кои страдаат од овој проблем обично се лекуваат со лекови против болки, а многу лекари советуваат и да избегнуваат храна која придонесува за мигрена, како чоколадо или алкохол.
Сега лекарите рекоа дека препишаните лекови, елиминацијата на диетата и активностите како јогата нудат мало олеснување – но дека темнозелениот зеленчук исто така помага.
Во истражувањето е спомнат случајот на маж кој страдал од мигрена повеќе од 12 години. Користел лекови, а исфрлал и храна како сирење, чоколадо, јаткасти плодови, кофеин и сушено овошје. Покрај тоа, практикувал јога и медитација, но ништо не функционирало позитивно.
Силната мигрена од 18-24 дена ја имал секој месец, а страдал од чувствителност на светлина, гадење и повраќање. Лекарите го советувале да ја промени исхраната и да ја збогати со хранливи материи и да внесува што повеќе зелен зеленчук.
Диетата вклучува консумирање 141 грам сиров или варен темнозелен лиснат зеленчук секој ден. Ова вклучува храна како кељ и спанаќ, како и консумирање зелени смути секој ден.
Исто така, му било кажано да го ограничи внесот на цели зрна и животински протеини како што се млечни производи и црвено месо. Откако бил на диета два месеци, пациентот рекол дека мигрените му се намалени на само една месечно.
Должината и интензитетот на мигрената се намалиле, а тој можел и повторно да конзумира некоја храна, како јајца и ладен чај, кои претходно му предизвикувале главоболки.
Лекарите истакнале дека главоболките му престанале по три месеци и не му се вратиле повеќе од 7 години. Важно е да се напомене дека студијата е спроведена само на едно лице и дека треба да се спроведе поширока студија.
Експертите додаваат: „Овој извештај сугерира дека исхраната базирана на растенија може да понуди безбеден, ефикасен и траен третман за справување со хроничната мигрена. Иако овој извештај опишува еден многу приврзан пациент, оваа диета ја намали инциденцата на мигрена во рок од 3 месеци кај неколку дополнителни пациенти со кои имавме лична комуникација.
