Оревите и семињата се богати со витамини и минерали, како цинк и селен, но и протеини кои позитивно влијаат на тонусот на мускулите, коските и го регулираат апетитот.
Исто така, ќе најдете извор на здрави масти и калории во оваа храна. Ако сте на диета или сакате да изгубите тежина на здрав начин, овој протеински прав може да ви помогне да изгубите маснотии, да го регулира апетитот и да ја намали потребата за нездрави слатки и закуски.
Рецепт за домашен и природен протеински прав
Состојки:
1 чаша бадеми
1/2 чаша ореви
1/4 шолја ф’стаци
1/4 чаши индиски ореви
2 лажици семе од тиква
2 лажици семе од диња
1/2 чаша овесна каша
2 лажици семе од чиа
1/2 чаша млеко во прав
Подготовка:
Печете ги бадемите во тава на тивок оган неколку минути, додека не почувствувате мирис. Истата постапка повторете ја со ореви, ф’стаци и индиски ореви, а потоа и со семињата. Истурете ги печените ореви и семиња во сад, а потоа додадете овесна каша и семе од чиа. Состојките измелете ги во блендер додека не добиете ситен прашок, а потоа додадете го млеко во прав и измешајте.
Ставете го добиениот прав во тегла и чувајте го во фрижидер.
Користете го со истурање на 1 лажица домашен протеински прав во една чаша млеко и промешајте. Можете, исто така, да додадете малку цимет.
Овој протеински прав можете да го истурите и во смути и шејкови.
