Како се храни Меланија Трамп е прашање кое често се слуша кога ја гледаме во мини здолништа и тесни кошули,кои и ја отцртуваат убавата фигура.
Меланија Трамп (52), поранешната прва дама на Америка и сопруга на поранешниот американски претседател Доналд Трамп, повторно и повторно не воодушевува со својот изглед.
Бидејќи парот повеќе не живее во Белата куќа, не ги гледаме толку често, но Меланија остава силен впечаток секој пат, а тоа беше случај неодамна, кога таа и нејзиниот сопруг беа видени на Флорида кога одеа да гласаат, како и на свадбата на ќерката на Трамп,Тифани.
Поранешната манекенка очигледно се грижи за својот изглед, но и за своето здравје – за да остане витка, не следи строга диета, туку јаде за никогаш да не биде гладна, а сепак во своето тело го внесува само највисокиот квалитет.Како што пишуваа своевремено американските медиуми, нејзиниот најважен трик во исхраната е поголемото внесување овошје – толку многу што Меланија мора да јаде по седум видови овошје секој ден!
Благодарение на ова обезбедува доволно антиоксиданси, витамини и минерали, неопходни за здрава кожа, коса, младешки изглед и што е најважно општо здравје, а има и растителни влакна, за кои е познато дека го ублажуваат чувството на глад и се одличен решение доколку сакате да го намалите апетитот.
Како што еднаш истакна Меланија, таа нема омилени слатки и грицки, но ако сака да јаде нешто од време на време – нема да си го одрече тоа. Сепак,таа претпочита да се сврти кон здрава алтернатива во форма на овошје.
- Не постои специфична закуска на која секогаш се враќам – истакнала Меланија во едно интервју пред неколку години. – Ако грицкам, обично земам овошје или чоколадо бидејќи мислам дека тоа е неопходно за организмот.
Секако, овошјето не е единственото нешто со кое Меланија се засладува кога сака.
- Добро е понекогаш да си ја задоволиш желбата за храна – рече таа и додаде дека понекогаш едноставно не може да одолее на сладолед. – Но тоа се додека правите баланс со здравата храна!
Појадокот на Меланија Трамп
Како што рекла еднаш, за појадок Меланија обично консумира смути од моркови, целер, боровинки, јаболка и цеден лимон или портокал, на кои додава маслиново масло и мелени семки од лен.
Сепак, нејзиниот единствен појадок не е смути, туку покрај тоа грицка ананас, банани, боровинки и малини, а ако е навистина гладна, сето тоа го става во овесната каша.
Овесната каша е омилена бидејќи дава многу енергија и хранливи материи, а една порција овесна каша има помалку калории од неколку парчиња леб. Нивната предност е што имаат повеќе влакна од печивата од бело брашно, што е особено корисно за желудникот и го продолжува чувството на ситост.
Ручекот на Меланија Трамп
Обично има парче месо или риба, со домат, краставица, ротквици, авокадо… Се е шарено и богато со хранливи материи!
Вечера на Меланија Трамп
Месото и е на трпезата дури и за последниот оброк во денот, а најчесто е придружено со целер, компири и тиквички, а во една прилика откри дека и за вечера сака органска пица.
