Матилда сака да ги освести девојките дека модната индустрија не е онаква каква што тие ја претставуваат…
Матилда Додс (24) од Австралија е модел и на прв поглед има се што може да посака една жена – пари, слава, убавина, патувања, луксузен начин на живот…
Сепак, Матилда нашироко се осврна на нејзината долгорочна борба со нарушувањата во исхраната, многу чест проблем кој најмногу ги „погодува“ тинејџерките и младите девојки.
Матилда пораснала во градот Бајрон Беј, северниот дел на Нов Јужен Велс, имала 14 години кога првпат се заинтересирала за манекенство и 15 кога потпишала договор со водечката агенција IMG.
Таа веднаш штом го завршила училиштето на 18 години се преселила во Париз и почнала да работи како модел, а како што вели се изгледало идеално до моментот кога се отворила темата поврзана со нејзината тежина.
– Мислам дека на модните агенти треба да им се забрани да пристапуваат и да потпишуваат договори со девојки кои се помали од 16 години – изјавила Матилда.
Според неа, годините поминати во светот на модата се „најголемата замка“ во која се нашла.
Сега, Матилда сака да ги направи девојките свесни дека модната индустрија не е онаква каква што тие ја претставуваат.
– Кога отидов во Париз, живеев во ужасен стан со минијатурни чаши насекаде. Тогаш си помислив, дали е ова за да јадеме помалку и дали вака индиректно не контролираат? Девојка од Холаднија живееше со мене и ја вратија по неколку дена, бидејќи нема ‘идеална’ тежина – се сеќава оваа девојка.
Како што вели, никогаш експлицитно не и било кажано дека мора да ослабе, освен еднаш во Париз. Но, дури и само еден пат кога слушнала дека нема соодветна тежина за работата што ја избрала, бил доволен за да добие нарушување во исхраната.
– Пет години бев на веганска диета. Во теретана „преспивав“ три часа, шест дена во неделата. Бев обземена од мојот физички изглед. Изгубив многу килограми, а кога видов дека ѓаволот ја презеде шегата, решив да се забавувам со неа – изјави Додс.
Матилда се вратила во куќата на нејзините родители и целосно го променила начинот на исхрана. Сега, вели, ужива во кифлички од сланина и се обидува да се избори со нездравиот однос на модната индустрија кон младите манекенки.
