Што мислите за комбинацијата на кафе и јајца? Обожуван утрински пијалок во Виетнам. „Ca phe trung“ или виетнамско кафе ја должи својата сладост на жолчките кои се матат со слатко кондензирано млеко додека не се добие кремаста пена која полека се прелива во еспресо или изладено кафе.
Традицијата на кафе со жолчка датира од Втората светска војна кога немало доволно млеко. Создаден е од шанкерот Џанга, кој работел во хотелот Метропол. За да не ги разочара гостите кои дошле на кафе со млеко, смислил интересна алтернатива. Жолчките ги измешал со шеќер се додека не добие пенлив крем од јајца.
Гианг набрзо отворил сопствено кафуле каде служел необично кафе, а неговите гости се заљубиле во него. Наскоро и други сопственици на кафулиња и шанкери почнале да го копираат.
Пијалокот со жолчка во Ханој остана популарен дури и откако млекото било изобилно за консумирање. Од главниот град овој тренд се проширил и во другите делови на Виетнам, а потоа и преку границите кога туристите се вратиле задоволни и полни со пофалби за кремастиот пијалок.
Потомците на Гианг сè уште го служат оригиналниот пијалок во Ханој, каде што може да се пие на неколку места.
Доколку одлучите да пробате виетнамско кафе, добро е да знаете дека тоа мора да биде топло за да може јајцето да биде термички обработено.
Состојки за виетнамско кафе:
350 мл еспресо
1 жолчка од јајце
4 супени лажици слатко кондензирано млеко
Подготовка:
Изматете ја жолчката со кондензирано млеко додека не се згусне. Прелијте го кремот од жолчка во врелото еспресо и послужете.
